|
Şêx Alî bi coşeke
mezin hat pêşwazî kirin
ji efrin.net
19.02.2007
Duh li
yekşemmê di 18. 02. 2006-an de, li demjmêr dora
11 berî nîvroj, mamoste M. Şêx Alî Sekreterê
Partiya Yekîtî ya demoqrat a Kurd li Sûriyê (
Yekîtî) Li Efrînê bi coşeke mezin hat pêşwazî
kirin, her weha di pêşwaziya Şêx Alî de nûnerên
Partî û tevgera Kurdî amade bûbûn û li rex wan
jî kesayetiyên Ereb û hin berpirsiyar ji aliyên
rageha Şamê.
Şêx Alî li
Autostradê Şam-Heleb ji hêla Ismaîl Umer Serokê
Partiyê û serkirdayetiya PYDKS û hejmareke mezin
ji heval û dostên tevgerê ve hat pêşwazî kirin.
Bi hejmareke
mezin ji erebeyên ku bi ala Partiya Yekîtî û ya
Sûrî xemilandî cemawer berên xwe dan Bajarê
Efrînê.
Dîsan jî li
çata Kefercenê -ya ku di koka çiyê de- bi
hezaran heval û hogirên Partiya Yekîtî û tevgera
Kurdî li rêya mamoste Şêx Alî rawestiya bûn, bi
xemleka rengîn, Komên Mûzîk û yên Folklor bi Def
û Zirneyê pêşwaziya wî kirin.
Li Efrînê jî
dîsan gelê Kurd li lawê xwe xwedî derket û
cefayê xebatkarên xwe da nîşandan, ji gund û
navçeyên Efrînê – Raco, Mubeta, Şera, Cindirêsê,
Şiyê, Bilbilê... gel hatibûn pêşwaziyê û li
kêleka Lîstikgeha bajêr( mel3eb elbeledî)
civînek mezin li darxistin.
Di destpêkê
de, Parêzer Selah Kico bi xêrhatina Şêx Alî û
mêvanan û spasiya gel kir, her weha Îsmaîl Umer
û nûnerên Tevgera Kurdî gotinine Siyasî li ser
wateya girtina Şêx Alî û law û Keçên kurd kirin.
Heya nuha jî,
Konê pêşwazî li pêşiya mala Şêx Alî li kêleka
çemê Efrînê vegirtiye, dê çend rojan ji bo
pêşwazî û pîrozbahiyê vekirî bimîne.
Mihemed Şêxmûs
Alî yê ku bi nave Mihyedîn Şêx Alî tête nasîn di
20. 12. 2006-an de li çayxana El-nexîl li
Rawestgeha Bexdadê li bajarê helebê hate girtin,
demeke dirêj rêjîma Sûriyê(hêzên ewlekariyê) cî
û girtîgeha ku Şêx Alî lê bû diyar nedikirin, ew
yeka jî bû sedema ku, tevaya tevgera demoqrat li
Sûriyê û ya Kurd jî bi taybetî li gel komîteyên
mafên mirovan, Emnestî... bi tundî daxwaza
diyarkirina ciyê girtina wî kirin û li seranserî
welatên Ewropî çalakî hatin lidar xistin.
Pîroz be û bi
hêviya ku tevaya xebatkar û têkoşrên gelê me û
demoqratên Sûrî ji girtîgeh û zîndanan bêne
derxistin.
|