Edhem Hisên - Berlîn

Hiner Selîm (aliyê rastê) ligel hin leystikvanên "Dol" û birêvebirê şirketa mîtfosfilm Mihemed Aktaş (ji aliyê çepê ve yê duyemîn) bersiva pirsan dide (wêne: Edhem Hisên)

BERLÎN (amude.com) - Di saloneke sînemayê de, ku ta kursiya dawî jî tije bû, do êvarî filmê kurdî "Dol" ê derhenêr Hiner Selîm hate pêşkêşkirin. Derhêner û çend leystikvanên film jî amade bûn. Selîm ji amadebûyan re, ku piraniya wan kurd bûn, behsa filmê xwe yê nû kir û bersiva pirsan da. "Dol" tek filmê kurdî ye ku îsal beşdarî programên Festîvala Filman a Navneteweyî (Berlînale) dibe; ew beşdarî beşê festîvalê yê bi navê Forum bûye. Kesên ku bixwazin li "Dol" temaşe bikin, dikarin di van dem û ciyan de vê yekê bikin:

- Pêncşem, 15.02, seet 22:15 li Cubix 9 (D)

- În, 16.02., seet 15:30 li Arsenal 1 (D)

- Şemî, 17.02, seet 16:30 li Delphi Filmpalast (D)

"Dol" dê herweha ji 26.04.2007ê û pê ve di sînemayên Elmanyayê de bête nîşandan.