|
BERSIVA ÇEND NIVÎSÊN
ALOZ Û DIJBER !
Şivan Perwe
28.02.2007
Zêdetirî 80 salane ku dewleta Tirk saz bû ye û
kanun bingehek dijwar û inkari bi politikek
dijmini û êrîşhkeri li dijî gelê Kurd û Kudistan
rawestandiye. Ne biratî, ne dostî, ne cinartî û
ne ji hevkarî qebûl dikin. Hemû armanca dewleta
Tirka tinebuna Kurda ye.
Em dîbêjin aşitî, ew li rûyê me didin. Em
dibêjin azadî, me dikujin. Em dibêjin dostî,
dijminatî dikin. Em dibêjin cinartî, hebuna me
qebûl nakin. Başe, ma gelo em çi bikin, kudeverê
de biçin, çi xwelî li serê xwe yan Tirka bikin?
80 salin ji bo dawiya Kurda were, wek dijminatî
û xerabiya li dijî me kirine, rêçek din
nehiştine. Bakura Kurdistan xistine bin nîrê
bindestî û zilmê.
Tiştên ku Tirka daye me ev in: talan, koçberî,
derbederî, zindan, welatberdan, îşkence,
asimilasyon, qedexekirin, ceza, bêwarî û
bêkariye.
Siyasetmendarik Kurd, serokê DTP yê Amedê Hilmi
Aydoğdu nerazîbuna xwe li dijî sîyaseta erişkir
û dagirker ya devleta Tirk ji bo Kerkuk diyar
diki, derhal wî digrin û dixin zîndanê. Bi we
yekê dirutiya zagonên wan aşkere dibin ku bes li
himberî Kurda bi kar bînin.
Li gor hesabên xwe daxwaziya azadiya 300 hezar
Tirkmenên başûr dikin, lê mafê 25 milyon Kurdên
bakûr inkar û qedexe dikin.
Çend lîstikên berçav ku iro bi taybetî dewleta
Tirk li hemberê gelê Kurd bikar tîne şayan û
balkêşin:
1- Elawîyên Kurd tenê bi elawîtî îtham û bi nav
dibin. Yanî, Tirkên elawî, wek nijadî Tirk in û
bi baweri elawû ne. Erebén elawî, bi nijadî Ereb
in, bi baweri elawî ne. Lê Kurdên elawî bi tesir
û bandora politîka dewleta tirk, bi misyona Heci
Bektaşî Weli û Kemalîzmê bi tenê elawî têne
hesibandin. Îro polîka dewletê bi misyona xwe ji
bo Kurdên elawî ji Kurdayetî bidûrxin, seyîd û
dedeyên rantçî û Kemalîst bikar tînin.
2- Kurdên sunnî jî ya berê xwe didin şerîatê yan
jî berê xwe didin fikir û şiretên Şêx û melikên
Erebistanê. Gava yekîtî yan jî niştimanperwerî
li Kurdistanê bi hêz dibe, noker û şerîatmedarên
Kurdan derbake mezin lêdidin û niştimandxwaziya
gelê me tarûmar dikin. Şêxik û şerîatmedarên
Kurda têne bertîlkirin ji hêla Melikên
Erebîstanê ve.
3- Elawîtî, Sunnîtî, Êzdayetî, Ehlîhaqî,
Ehlîbeytî, Şebekî, Hirîstîyanî, Yahudîtî û
Tarîkatî li serê gelê Kurd kirine bela û birînek
bê derman.
Ma gelo, evan mezhep û dîn li nava Tîrk, Ereb,
Faris û milletên din tuneye? Ji bo çi mezhep û
dîn bûne bela li ser serê Kurda. Helbet evana
lîstika dijminên Kurda ye. Bawerî hezkirin û
xwesipartina navbera Xweda û Mirovane. Birêz û
rêzdariya Xweza û Gerdûnê ye. Ne bela serê
mirovan e.
Li hemberê milletê Kurd peyman û şêwirên Ereb,
Tirk û Farisan herdem û bê xem e. Tirk bi fen û
fîtên di navxweyi de li hemberê gelê Kurd li
bakûr têr nabe, li hemberê başûr jî lîstiken xwe
divê bikar bine.
Li vê dawîyê beyanek serokê partîya ANAP Erkan
Mumcu li dijî başûr, bi taybetî dijî Hukûmeta
Herêma Kurdistanê û Cenabê Serok Kêk Mesud
Barzanî balkêşe: li gor Mumcu û Dewleta Tirk,
Mesud Barzanî nokerê Amerîka (USA) ye. Mumcu
hajî dîrok û polîtîka xwe nîne yan jî derew û
hîleyên salan didin paş. Qirêjî û namerdiya
peyamên polîtîka dewleta xwe jî bîr dike.
Kemal Atatürkê wan, di dema xelasîya Turkiyê de
pêşin alikarî ji Lenîn (Sowyet) girt. Pêre jî bû
hewalbendê Hîtler (Almanya) û Mûssollînî. Li
dawiyê jî cil û çekên Ameríka (USA) li ber
kirin. Ger hevalbendîya Amerîka xirab be, bila
pêşin ji polîtîka Ataturk û dewleta xwe şerm
bikin. Em çiqas xwe ji bona dostî û biratiya
Tirka biwestînin, dîsa naxwazin bi me re bibin
dost û bira. Ji ber ku li ser tunebûna me xebat
dikin. Ji bona şer û dijberiya me hewqas leşker
xwedi dikin. Piraniya aboriya dewletê hemû ji bo
idareya leşkeri xerç dibe. Kurd ji Tirk ji li
ser xatirê Pantirkîzmê helak bû ne.
Pêkenînek parabolik li ser idariya leşkerên Tirk
:
Serbazekî Tirk ji leşkerekî xwe dipirse.
Serbaz: Leşker hazir be!
Leşker: Fermo ezbenî
Serbaz: Kincên te ji kuder hatine?
Leşker: Ji Amerîka ezbenî !
Serbaz: Potinên te?
Leşker: Ji Amerîka ezbenî
Serbaz: Çekên te?
Leşker: Ew jî ji Amerîka ezbenî
Serbaz dibêje serbest bî leshker! Pêre disa bang
leşker dike û dipirse? Navê te çiye leşker ?
Leşker : Xwefiroştî (Satilmis) ezbenî
Yanî dewleta Tirk li hemû diroka Turkiyê milletê
xwe herdem firotiye lê bêhaj û rastîya xwe
veşartîye. Dibêjin « Keçelo navê min li te, kumê
min li serê te.
Cenabê Kek Mesud rêberê gelê xwe ye, serokê
Kurdistan e, lawê şoreşa Barzanî ye û
berpirsiyarekî rast û dirist e. Xwediyê gotina
xwe ye. Destkevtên başûr ji bo me hêvi ye.
Pêwiste em bê rawestan biparêzin. Polîtîk û
siyasiya Cihanê li gor berjewendiyên gelî û
civakî rêcal dibin û biryar digrin. Em hemû Kurd
û bi taybeti tevaya gelên Kurdistan gellek
hewcedari hebûn û avabûna başûr in. Em çi car ji
bîr nekin ku herwek pêşberên me gotine:
”Avakirina pareki Welat, xelasiya raseri Welat
e”.
Rêz û Aşît
|